Asus 20-düym ekranlı monoblok təqdim edib

Müəllif: Nermin | 31 İyul 2010 | Baxışların sayı: 29

Asus şirkəti yeni nəsil EeeTop PC kompüter-monobloklar təqdim edib. ET2010 istehsalat xəttinə 20-düymlü displeylərlə təchiz olunmuş beş model daxildir. Modellər müvafiq olaraq 1,66 və 3 qiqahers takt tezlikli Intel və AMD prosessorları bazasında yığılıb.

Intel platformasında hazırlanmış sistemlər üç monoblokdan ibarətdir.

Onlardan ən kiçiyi 2010P indeksli monoblok Atom D410 prosessoru bazasında işlənib və Intel GMA 3150 quraşdırılmış qrafik, 1 qiqabayt həcmli DDR2 yaddaş, eləcə də 160 qiqabaytlıq sərt disklə təchiz olunub.

2010PN və PNT indeksli və Atom D510 çipi quraşdırılmış sonrakı iki model 2 qiqabayt həcmli DDR2 yaddaş və 500 qiqabaytlıq sərt disklərlə təmin edilib. Burada yeni nəsil Nvidia Ion qrafik sistemi istifadə olunub.

AMD prosessorları bazasında yığılmış digər iki modelin çipdən başqa əsas fərqi burada ATI Radeon HD 5470 diskret videokartın quraşdırılmasıdır.

DirectX 11 qrafik interfeysi dəstəkləyən videosistemdən əlavə bu qurğular 2 qiqabayt həcmli DDR3 yaddaş və 320 qiqabaytlıq sərt disklə təchiz olunublar.

Asus-un yeni monobloklarının hər birinin 1600 x 900 pikselli genişformatlı displeyləri var.
Kompüterlərin qiyməti və satışa çıxarılma tarixi bildirilmir.

Hörmətli istifadəçi, siz sayta qeydiyyat olunmadan daxil olmusunuz. Biz sizə qeydiyyat olunmağı məsləhət görürük.

Mövzu üzrə digər xəbərlər:

(səs sayı: 1)

Şərhlər (0)

Çap