“Chrome” əməliyyat sistemi payız aylarında işıq üzü görəcək

“Google” şirkəti netbuklar üçün “Chrome” əməliyyat sisteminin cari ilin payız aylarında işıq üzü görəcəyini bildirib.
Rabitə və İnformasiya Texnologiyaları Nazirliyinin verdiyi məlumata görə, “Google” şirkətinin məhsulların idarə edilməsi üzrə vitse-prezidenti Sundar Piçay deyib ki, ilk gün ərzində bir milyon istifadəçi göstəricisinin əldə olunacağını gözləyirlər.
Ancaq o, əməliyyat sisteminin dəqiq təqdim olunma tarixi haqqında açıqlama verməyib. “Google”nin məlumatlarına əsasən, “Chrome” brauzerinin hazırda 70 milyondan çox istifadəçisi var. Açıq çıxış kodlu əməliyyat sistemi məhz bu brauzer əsasında işlənib və veb-əlavələrlə iş üçün nəzərdə tutulub.