“Sony” şirkətinin 500 min noutbuku xarab çıxdı

Müəllif: Menecer | 1 İyul 2010 | Baxışların sayı: 87

Yaponiyanın “Sony” şirkəti 2010-cu ilin yanvarından başlayaraq istehsal etdiyi 535 min “Vaio” noutbukunun qüsurlu olduğunu açıqlayıb.
Bu qüsur nəticəsində “Vaio” noutbukları bərk qızır.
Bərk qızma nəticəsində “Vaio F” və “Vaio C” seriyalı noutbuklar ciddi zədələnir. İndiyə qədər dünyanın bir çox ölkələrində satılmış bu noutbuklarla bağlı 39 bərk qızma halı qeydə alınıb. İstifadəçilər bunun nəticəsində noutbukun korpusunun deformasiyaya uğradığını bildiriblər.
“Sony” şirkəti noutbukdakı bu problemin aradan qaldırılması ilə bağlı xərcin miqdarını açıqlamayıb. Ancaq şirkət artıq noutbukun bərk qızmasının qarşısını almaq üçün hissəcik istehsal etməyə başlayıb. Bu, kompüterin ventilyatorunun işini sürətləndirir.
Qeyd edək ki, bu, “Sony” şirkətinin noutbukları ilə bağlı ilk problem deyil. 2009-cu ildə şirkət qüsurla bağlı 440 min noutbukunu geri alıb. 2006-cı ildə isə “Sony” 1 milyona qədər akkumlyatoru geri yığıb.

Hörmətli istifadəçi, siz sayta qeydiyyat olunmadan daxil olmusunuz. Biz sizə qeydiyyat olunmağı məsləhət görürük.

Mövzu üzrə digər xəbərlər: